பொறியியல் துறையில் பட்ட மேற்படிப்புகளில் சேர்வதற்கான கேட் தேர்வு நடைபெறும் தேதி அறிவிக்கப்பட்டுள்ளது.

இந்தியாவில் உள்ள ஏழு ஐஐடி நிறுவனங்களிலும் பிற முக்கிய தொழில்நுட்பக் கல்வி நிறுவனங்களிலும் பொறியியல் துறையில் பட்ட மேற்படிப்பு படிக்க விரும்புவோர் கேட் நுழைவுத் தேர்வுஎழுதி தேர்ச்சி பெற வேண்டும்.
இத்தேர்வை சென்னை, மும்பை, டெல்லி, கவுகாத்தி, கான்பூர், காரக்பூர், ரூர்கீ ஆகிய இடங்களில் உள்ள ஐஐடி கல்வி நிறுவனங்களும் பெங்களூரில் உள்ள இந்திய அறிவியல் கல்வி நிறுவனமும் இணைந்து நடத்துகின்றன.

வரும் 2020ஆம் ஆண்டு பிப்ரவரி மாதம் நடக்க உள்ள கேட் தேர்வுக்கான அறிவிப்பு தற்போது வெளியாகியுள்ளது. ஐஐடி டெல்லி இதனை நடத்த உள்ளது.

கேட் தேர்வில் பெறும் மதிப்பெண்கள் ஐஐடி நிறுவனங்களில் மட்டுமன்றி பல்வேறு உயரிய அரசு மற்றும் தனியார் கல்வி நிறுவனங்களில் முக்கியத்துவம் பெறுகிறது. வேலை வாய்ப்பில்கூட கேட் தேர்வில் பெற்ற மதிப்பெண்களுக்கு முக்கியத்துவம் தரப்படும்.

கேட் தேர்வில் பெறும் மதிப்பெண்கள் தேர்வு முடிவுகள் வெளியான நாளிலிருந்து மூன்று ஆண்டுகளுக்கு மட்டுமே பயன்படும் என்பது குறிப்பிடத்தக்கது.

2020ஆம ஆண்டுக்கான கேட் தேர்வு 25 பாடப் பிரிவுகளில் நடத்தப்படும். நாடு முழுவதும் நடைபெறும் இத்தேர்வு வெளிநாடுகளில் உள்ள ஆறு நகரங்களிலும் நடத்தப்படும். இத்தேர்வு கணினி வழித் தேர்வு ஆகும். பொறியியல், தொழில்நுட்பம் மற்றும் கட்டிடக்கலை உள்ளிட்ட பல்வேறு அறிவியல் துறைகளில் முதுகலைப் பட்டப்படிப்பை மேற்கொள்ளவோ அல்லது ஆய்வுப் படிப்பில் சேரவோ இத்தேர்வை எழுதலாம்.

முக்கிய தேதிகள்

ஆன்லைனில் விண்ணப்பிக்க அவகாசம் தொடங்கும் நாள் – செப்டம்பர் 3, 2019
ஆன்லைனில் விண்ணப்பிக்க கடைசி நாள் – செப்டம்பர் 24, 2019
ஆன்லைனில் விண்ணப்பிக்க நீட்டிக்கப்பட்ட அவகாசம் முடியும் நாள் – அக்டோபர் 1, 2019
தேர்வு மையம் ஒதுக்கப்பட்ட நகரத்தை மாற்றும்படி கோர கடைசி நாள் – நவம்பர் 15, 2019
அட்மிட் கார்டு வெளியாகும் நாள் – ஜனவரி 3, 2020
கணினி வழித் தேர்வு நடைபெறும் நாட்கள் – பிப்ரவரி 1 & 2 2020 மற்றும் பிப்ரவரி 8 & 9, 2020
தேர்வு முடிவுகள் வெளியாகும் நாள் – மார்ச் 16, 2020

தகுதி

பி.இ., பி.டெக்., பி. ஆர்க்., பி.எஸ்சி. (4 ஆண்டுகள் ஆகிய இளநிலை பட்டப்படிப்புகளை முடித்தவர்கள் இத்தேர்வுக்கு விண்ணப்பிக்கலாம். அறிவியல், கணிதம், புள்ளியியல், கம்ப்யூட்டர் அப்ளிகேஷன்ஸ் போன்ற முதுநிலைப் பட்டப்படிப்பை முடித்தவர்களும் விண்ணப்பிக்கலாம்.

விண்ணப்பக் கட்டணம்

இத்தேர்வுக்கு விண்ணப்பிக்கும் இந்தியர்கள் எஸ்.சி/எஸ்.டி, பிரிவினராகவோ மாற்றுத்திறனாளியாகவோ பெண்களாகவோ இருந்தால் அவர்களுக்கான கட்டணமாக செப்டம்பர் 24, 2019 வரை ரூ.750 வசூலிக்கப்படும். அதற்குப் பின் அக்டோபர் 1, 2019 வரை விண்ணப்பித்தால், ரூ.1,250 கட்டணம் வசூலிக்கப்படும். மேற்கண்ட பிரிவில் வராத பிற இந்தியர்களுக்கு செப்டம்பர் 24, 2019 வரை விண்ணப்பித்தால் ரூ.1500 கட்டணம் பெறப்படும். அதற்குப் பின் அக்டோபர் 1, 2019 வரை விண்ணப்பித்தால், ரூ.2,000 கட்டணம் பெறப்படும்.

இத்தேர்வுக்கு விண்ணப்பிப்பவர்கள் அடிஸ் அபாபா (எத்தியோப்பியா), கொழுப்பு (இலங்கை), டாக்கா (வங்கதேசம்) மற்றும் காத்மண்டு (நேபாளம்) வைச் சேர்ந்தவர்கள் என்றால் அவர்கள் செப்டம்பர் 24, 2019 வரை 50 அமெரிக்க டாலர் கட்டணம் செலுத்த வேண்டும். அதற்குப் பின் அக்டோபர் 1, 2019 வரை விண்ணப்பித்தால், 70 அமெரிக்க டாலர் கட்டணம் செலுத்த வேண்டும்.

இத்தேர்வுக்கு விண்ணப்பிப்போர் துபாய் அல்லது சிங்கப்பூரைச் சேர்ந்தவர்கள் என்றால் அவர்கள் செப்டம்பர் 24, 2019 வரை 100 அமெரிக்க டாலர் கட்டணம் செலுத்த வேண்டும். அதற்குப் பின் அக்டோபர் 1, 2019 வரை விண்ணப்பித்தால், 120 அமெரிக்க டாலர் கட்டணம் செலுத்த வேண்டும்

👉 Join our Whatsapp Group

👉 Join our Youtube Channel

LEAVE A REPLY

Please enter your comment!
Please enter your name here