21 வயதாகாத 13,127 பேர் டி.என்.பி.எஸ்.சி தேர்வு எழுதியது அம்பலம்
ஹைலைட்ஸ்

  • குரூப் 1 தேர்வுக்குக் வயது வரம்பு 21 முதல் 37 வயது வரை
  • ஆனால் 21 வயது ஆகாத 13,127 பேர் தேர்வை எழுதியுள்ளனர்.

 தமிழ்நாடு அரசுப் பணியாளர் தேர்வாணையம் நடத்திய குரு ப் 1 வயது வரம்பை மீறி 13,127 பேர் எழுதியது தெரியவந்துள்ளது.

தமிழ்நாடு அரசுப் பணியாளர் தேர்வாணையம் நடத்தும் தேர்வுகளில் குறைந்தபட்ச வயது மற்றும் அதிகபட்ச வயது வரம்பு உள்ளது. குரூப் 1 தேர்வுக்குக் வயது வரம்பு 21 முதல் 37 வயது வரை ஆகும். பொதுப் பிரிவினருக்கு அதிகபட்ச வயது 32 என நிர்ணயிக்கப்பட்டுள்ளது.

இந்த ஆண்டு ஜனவரி 1ஆம் தேதி வெளியான டி.என்.பி.எஸ்.சி. குரூப் 1 தேர்வு அறிவிப்பில், 2019ஆம் ஆண்டு ஜூலை 1ஆம் தேதியில் 21 வயது பூர்த்தியான மற்றும் 37 வயது பூர்த்தியாகாதவர்கள் விண்ணப்பிக்கலாம் என குறிப்பிட்டிருந்தது.

இதனால், 20 வயது பூர்த்தியானவர்களும் தேர்வு எழுத வாய்ப்பு அமைந்த்துவிட்டது. 37 வயது பூர்த்தியாகாத பலருக்கு வாய்ப்பு பறிபோயிருக்கிறது. இதனால் பாதிக்கப்பட்ட பலர் சென்னை உயர்நீதிமன்றத்தில் வழக்கு தொடுத்தனர்.

தேர்வு நடத்த அனைத்துப் பணிகளும் முடிந்துவிட்டதால் பாதிக்கப்பட்டவர்களுக்குத் தேர்வு எழுத வாய்ப்பு வழங்க இயலாது என தமிழ்நாடு அரசுப் பணியாளர் தேர்வாணையம் தெரிவித்தது. இதை ஏற்ற சென்னை உயர்நீதிமன்றம் பாதிக்கப்பட்டவர்கள் தாக்கல் செய்த மனுவைத் தள்ளுபடி செய்தது.

தேர்வுத் தேதியை ஒரு நாள் தள்ளி வெளியிடப்பட்ட காரணத்தால்தான் 21 வயதே நிரம்பாத 13,127 பேர் தேர்வெழுத வாய்ப்பைப் பெற்றனர் எனவும் தமிழ்நாடு அரசுப் பணியாளர் தேர்வாணையம் கூறியிருக்கிறது. 2018ஆம் ஆண்டில் டிசம்பர் 31ஆம் தேதி விளம்பரத்தை வெளியிட்டிருந்தால்கூட பலருக்கும் வாய்ப்பு கிடைத்திருக்கும்.

அறிவிப்பு ஒரு நாள் தாமதம் ஆனதால் பலர் தேர்வு எழுதும் வாய்ப்பை இழந்துள்ளனர்

👉 Join our Whatsapp Group

👉 Join our Youtube Channel

LEAVE A REPLY

Please enter your comment!
Please enter your name here